Правілы карыстання Фундаментальнай бібліятэкай БДУ рэгламентуюць узаемаадносіны карыстальнікаў і бібліятэкі ў працэсе бібліятэчна-інфармацыйнага абслугоўвання, пералік асноўных паслуг і ўмовы іх прадастаўлення.
З парадкам карыстання фондамі бібліятэкі, з правамі і абавязкамі карыстальнікаў, а таксама з правамі і абавязкамі Фундаментальнай бібліятэкі можна азнаёміцца ў поўнай версіі дакумента "Правілы карыстання Фундаментальнай бібліятэкай БДУ".

 

Хто можа быць чытачом

 
Права на бясплатнае бібліятэчна-інфармацыйнае абслугоўванне маюць прафесарска-выкладчыцкі склад, дактаранты, аспіранты, студэнты першай і другой ступені вышэйшай адукацыі ўсіх формаў атрымання адукацыi, курсанты ваеннага факультэта, слухачы Інстытута дадатковай адукацыі, слухачы Рэспубліканскага інстытута кітаязнаўства імя Канфуцыя, навуковыя і іншыя работнікі БДУ. Бібліятэчна-інфармацыйнае абслугоўванне арганізацый (прадпрыемстваў, устаноў), якія ўваходзяць у структуру комплексу БДУ, ажыццяўляецца ў чытальных залах, медыятэкі, на абанементы ў адпаведнасці з загадам рэктара БДУ «Аб абслугоўванні ФБ БДУ арганізацый (прадпрыемстваў, устаноў) комплексу БДУ».
Бібліятэчна-інфармацыйнае абслугоўванне карыстальнікаў з іншых арганізацый ажыццяўляецца на платнай аснове ў адпаведнасці з Палажэннем аб платных паслугах ФБ БДУ.
Прафесарска-выкладчыцкі склад з іншых арганізацый, які працуе ў БДУ па сумяшчальніцтве, абслугоўваецца на бясплатнай аснове толькі ў залах, медыятэцы, каворкінгу ФБ БДУ пры прад'яўленні даведкі з упраўлення па працы з персаналам. 

Якія дакументы неабходныя для таго, каб запісацца ў бібліятэку

Запіс у бібліятэку ажыццяўляецца пры прад'яўленні наступных дакументаў:

  • студэнцкага білета;
  • білета слухача Інстытута дадатковай адукацыі;
  • білета навучэнца Юрыдычнага каледжа БДУ;
  • білета навучэнца Ліцэя БДУ;
  • пасведчання дактаранта, аспіранта (для дактарантаў, аспірантаў);
  • службовага пасведчання (для прафесарска-выкладчыцкага складу, навуковых і іншых работнікаў БДУ);
  • дакумента, які сведчыць асобу (для слухачоў Рэспубліканскага інстытута кітаязнаўства імя Канфуцыя і для карыстальнікаў з іншых арганізацый);
  • дамовы аб прадастаўленні платных бібліятэчна-інфармацыйных паслуг і дакумента, які сведчыць асобу (для інстытутаў, прадпрыемстваў, іншых арганізацый, заснавальнікам якіх з'яўляецца БДУ, а таксама для іншых арганізацый).

На які тэрмін і ў якой колькасці выдаюцца кнігі на дом

Навуковыя і навукова-папулярныя выданні выдаюцца тэрмінам на адзін месяц у наступнай колькасці:

  • прафесарска-выкладчыцкаму складу, дактарантам, аспірантам, студэнтам другой ступені вышэйшай адукацыі, навуковым работнікам - да 15 асобнікаў;
  • студэнтам-дыпломнікам - да 10 асобнікаў;
  • іншым катэгорыям карыстальнікаў - да 5 асобнікаў.

Навучальныя выдання выдаюцца карыстальнікам на семестр або навучальны год у адпаведнасці з вучэбнымі праграмамі:

  • студэнтам першай і другой ступені вышэйшай адукацыі  - з разліку каэфіцыента кнігазабяспечанасці на аднаго студэнта 0,2;
  • прафесарска-выкладчыцкаму складу, дактарантам, аспірантам, навуковым і іншым работнікам - у колькасці, што вызначаецца магчымасцямі ФБ БДУ.

Літаратурна-мастацкія выданні выдаюцца карыстальнікам тэрмінам на адзін месяц у колькасці не больш за 10 асобнікаў.

У аддзеле абслугоўвання філалагічнага і эканамічнага факультэтаў літаратурна-мастацкія выданні выдаюцца карыстальнікам тэрмінам на 15 дзён.

Карыстальнікі могуць падоўжыць тэрмін карыстання узятымі на абанеменце дакументамі, калі на іх няма попыту з боку іншых карыстальнікаў. Калі карыстальнік не з'явіўся ў ФБ БДУ, каб падоўжыць тэрмін карыстання дакументамі, якія лічацца за ім, падаўжэнне тэрміну карыстання ажыццяўляецца работнікам абанемента аўтаматычна на платнай аснове пры здачы карыстальнікам непрадленных дакументаў.

Дзе атрымаць абыходны ліст


Пры выбыцці з БДУ карыстальнікі абавязаныя вярнуць у бібліятэку ўсе дакументы, якія лічацца за імі, аплаціць паслугу «Прадастаўленне ў карыстанне дакументаў з фонду бібліятэкі звыш тэрмінаў, устаноўленых Правіламі карыстання ФБ БДУ», калі тэрмін перавышае ўстаноўлены, атрымаць абыходны ліст з адзнакай ФБ БДУ аб вырабленым разліку.

Карыстальнікі атрымліваюць абыходны ліст: