140 лет со дня рождения Я. Купалы

Когда: 01.07 - 31.07.2022

Где: Научный зал, гл. корпус, пр. Независимости, 4, к. 217

Паважаныя чытачы!

С 1 па 31 ліпеня 2022 года ў навуковай зале Фундаментальнай бібліятэкі БДУ экспануецца кніжная выстава «Не шукай ты шчасця, долі на чужым, далёкім полі…», прымеркаваная да 140-годдзя з дня нараджэння народнага паэта Беларусі Янкі Купалы.

На выставе прадстаўлена шматгранная спадчына славутага майстра слова: глыбока народная і кранальная паэзія, рэалістычныя і рамантычныя паэмы («Зімою», «Нікому», «Адплата кахання», «У Піліпаўку», «За што?», «Яна і я», «Курган», «Бандароўна»), драматычныя творы («Паўлінка», «Адвечная песня», «Тутэйшыя»), публіцыстыка, лісты да калег і сяброў, літаратуразнаўчыя і крытычныя артыкулы і іншыя матэрыялы.

Асаблівую цікавасць выклікаюць выданні першай паловы XX стагоддзя, а таксама альбом фотаздымкаў Уладзіславы Францаўны Луцэвіч.

Азнаёміцца з выставай можна ў памяшканні навуковай залы (другі паверх, ауд. 217) галоўнага корпуса БДУ.

Запрашаем усіх зацікаўленых!

Таксама прапануем Вашай увазе электронную прэзентацыю, якая дапаможа ўзгадаць асноўныя этапы жыцця і творчай дзейнасці класіка беларускай літаратуры, пазнаёміць з выданнямі з фонду бібліятэкі БДУ.