Да 500-годдзя беларускага кнігадрукавання

   Шматтомнае факсімільнае выданне «Кніжная спадчына Францыска Скарыны» перададзена Нацыянальнай бібліятэкай у дар ФБ БДУ, што з’явілася лепшым падарункам да 500-годдзя беларускага кнігадрукавання.

   У цэлым выданне ўключае ў сябе 20 тамоў (21 кнігу) факсімільнага ўзнаўлення кніжнай спадчыны Ф. Скарыны і асобны том навуковых каментарыяў, прысвечаных вяртанню Ф. Скарыны на Радзіму.

   Мастацкае афармленне выдання выканаў  вядомы ў Беларусі мастак і дызайнер, арт-дырэктар дызайн-студыі “Калекшн” Канстанцін Гаўрылавіч Вашчанка.

   Запрашаем на выставу кніг у зал інфармацыйных рэсурсаў па навуцы    і мастацтву, гл.корпус, пр. Незалежнасці, 4, к.217