01 октября 2025

Фундаментальная бібліятэка завяршыла вераснёўскія святы ведаў, адукацыі і культуры асветніцкай акцыяй — агульнай дыктоўкай.

Гэта цудоўная магчымасць не толькі паказаць свае веды, але і паглыбіць любоў да роднай мовы сярод моладзі і дарослых — студэнтаў БДУ і супрацоўнікаў Фундаментальнай бібліятэкі. У кожным з нас жыве адказнасць за яе захаванне і развіццё.

Тэкст дыктоўкі быў прымеркаваны да надыходзячага юбілею вялікага беларускага пісьменніка Уладзіміра Караткевіча. Лепшыя мастацкія творы Караткевіча прасякнуты глыбокай любоўю да беларускай мінуўшчыны і мовы: «Дзве старонкі, дваццаць ці дзвесце... А можа, тысячы тысяч?.. Усё адно, нават іх будзе мала, каб годна ўславіць цябе, родная беларуская мова».

Віншуем пераможцаў:

• студэнтку эканамічнага факультэта Сітнік Дар’ю;
• маладога спецыяліста Фундаментальнай бібліятэкі Семенас Кацярыну.

Пераможцам былі перададзены квіткі на спектакль “Вар’ятка” у Рэспубліканскім тэатры беларускай драматургіі.

Запрашаем усіх працягваць адкрываць для сябе свет кніг, ведаў і творчасці!