02 октября 2023

Фундаментальная бібліятэка запрашае ў студэнцкую чытальную залу на выставу “Мастацкая спадчына Язэпа Драздовіча”, а таксама пазнаёміцца з аднайменнай віртуальнай выставай, падрыхтаванай да 135-годдзя з дня нараджэння беларускага мастака, скульптара, этнографа і пісьменніка.

Творчасць Я.Драздовіча не характэрна для беларускай культуры. Паколькі ён быў не толькі таленавітым мастаком і скульптарам, але і выдатным пісьменнікам, паэтам, настаўнікам, этнографам, фалькларыстам, філосафам, хірамантам, археолагам, тэатральным дзеячам, астраномам-аматарам і заснавальнікам беларускай тэарэтычнай астраноміі. Адсюль і  фенаменальнасць яго творчасці. Пётр Сергіевіч, беларускі мастак, сучаснік Я.Драздовіча назваў творца «нашым маленькім павятовым Леанарда да Вінчы». Астранамічныя гіпотэзы і мары Я.Драздовіча пра палёты ў касмічную прастору рэалізаваліся і працягваюць развівацца. «Прыйдзе час... Мяне яшчэ пашукаюць». Прадсказанні збыліся.

У кніжнай экспазіцыі прадстаўлены дакументы пра жыццё і творчасць мастака з фондаў ФБ БДУ. Віртуальная выстава з аднайменнай назвай з’яўляецца аналагам кніжнай выставы.