06 февраля 2023
Выйшаў у свет біябібліяграфічны паказальнік, прысвечаны прафесару Вячаславу Пятровічу Рагойшу.
Бібліяграфічнае выданне было падрыхтавана Фундаментальнай бібліятэкай да 80-годдзя з дня нараджэння вядомага вучонага, педагога, паэта і літаратурнага крытыка Вячаслава Пятровіча Рагойшы. Бібліяграфічны паказальнік змяшчае публікаці з 1957 г. па жнівень 2022 г. і ўключае запісы пра кнігі, навуковыя і публіцыстычныя артыкулы, пераклады, рэцензіі, вершы, рэдагаванне, укладанне і інш. Усяго паказальнік утрымлівае 2054 бібліяграфічных запісаў. Навукова-даведачны апарат выдання уключае імянны і прадметны паказальнік.
Над паказальнікам працавалі складальнікі выдання – супрацоўнікі бібліятэкі А.Я. Вараб’ёва, В.А. Гурына, С.В. Прыхач.
Выданне стане ўнёскам бібліятэкі ў раскрыццё і пашырэнне інфармацыі аб апублікаванай спадчыне выдатнага вучонага і грамадскага дзеяча Беларусі.