20 октября 2022

Фундаментальная бібліятэка запрашае 24 кастрычніка ў 14:25 на паказ  паэтычнага спектакля "Пад покрывам заступніцы святой", падрыхтаванага студэнтамі БДУ, членамі клуба мастацкага слова "Клумба" ФБ БДУ, прымеркаванага да Дня нараджэння ўніверсітэта.

А ці ведаеш ты, каму ўстаноўлены першы помнік ва ўнутраным дворыку ўніверсітэта?

Ікону якой святой падараваў БДУ мітрапаліт Мінскі і Заслаўскі Веніямін да 100-годдзя ўніверсітэта?

Рэпліку якога крыжа атрымаў універсітэт дзякуючы дабрачыннаму фонду «Пакроў»?

Адказы на ўсе гэтыя пытанні звязаны з адной асобай – святой прап. Еўфрасінняй Полацкай.

Яна з’яўляецца для нас маральным арыентырам, які ўвасабляе важныя каштоўнасці, асабліва актуальныя ў нашы дні: міралюбнасць, духоўнасць, асветніцтва і любоў да сваіх каранёў.

Студэнты ўніверсітэта, яны ж удзельнікі клуба аматараў мастацкага слова “КЛУмБа”, паставілі невялікі паэтычны спектакль, які прысвечаны асветніцы зямлі беларускай, і на працягу года паспяхова выступалі з ім на розных пляцоўках краіны.

24 кастрычніка ўбачыць прадстаўленне «Пад покрывам заступніцы святой» змогуць студэнты і выкладчыкі нашага ўніверсітэта. Яно пройдзе ў актавай зале філалагічнага факультэта БДУ.